Klokka 17 starta søket etter ein 27 år gamal mann med Downs syndrom i Sandnes. Mannen blei sist sett ved brannstasjonen, og det er her søket tek utgangspunkt frå.
– Me har nå 34 frivillige ute og leiter. I tillegg til leitehundar, fortel operasjonsleiar i Rogaland politidistrikt, Trygve Ravndal til NRK.
Mannen hadde på seg ein mørk ransel eller ei veske og ein burgunderfarga genser då han forsvann. Han skal vera låg av vekst og i fysisk god form.
Klokka 20.30 melder politiet at mannen er funnen i god behald på Ganddal.
Politiet var også involvert i eit søk etter ei jente på Ålgård i dag, jenta kom raskt til rette etter ho blei meldt sakna.