Litt før klokka sju fekk AMK melding om ein kollisjon mellom ein traktor og ein moped på Hognestad. Alle naudetatar rykka ut til staden.
To gutar på 15 og 17 år sat på mopeden. Dei vart begge sende til Stavanger universitetssjukehus i ambulanse. Dei var medvitne då dei vart sende til sjukehuset, men skadeomfanget er førebels ikkje kjent.
Føraren av traktoren var berre 15 år. Han blir no anmeld for køyring utan gyldig førarkort.
Politiet kan førebels ikkje seia noko meir om detaljane rundt ulukka.
– Politiet har gjort undersøkingar på staden, og saka blir no overført til Time lensmannskontor. Dei vil etterforske saka vidare, fortel operasjonsleiar Victor Jensen.
