Dei svake resultata til Viking gjorde at Østenstad i dag gjorde det offentleg at han gir seg som sportsdirektør i stavangerklubben etter fem år i jobben.
- LES OG SJÅ VIDEO: Østenstad trekk seg
– Lei start på dagen
Viking trenar Åge Hareide og spelarane fekk beskjeden i dag tidleg, og den blei ikkje godt tatt i mot:
– Det var ein lei måte å starta dagen på, eg prøvde å snakka han frå det, men dette er noko han har bestemt seg for, seier Hareide.
Han seier at det ikkje er noko anna han kan gjera enn å respektera Østenstad si avgjersle. Dei to skal ikkje ha diskutert avgangen til Østenstad i forkant.
- Les òg:
– For ei veke sidan fekk me vita at me hadde full tillit frå styret, derfor var det ekstra overraskande beskjed å få, seier han.
Høyr intervjuet med Hareide her:
– Kan gje sterkare samhald
Kva avgangen vil ha å seia for eit vikinglag som slit nedst i tabellen veit ikkje Hareide.
– Me veit ingenting om korleis me skal jobba vidare nå, eigentleg hadde me trengt minst mogleg støy og energitap, men kanskje kan det gje auka samhald i gruppa. Det veit me ikkje, seier trenaren.
Hareide trekk Østenstad fram som ein viktig og lojal støttespelar gjennom perioden på halvannan sesong han har vore trenar.
– Han er ingen gallionsfigur, han har hjarta i Viking, av og til har han fått litt for mykje pepar. Det er eg som har hatt siste ordet i alle spelarkjøpa til dømes, seier han.
Høyr intervju med Nevland:
Misnøgd kaptein
– Eg trur ikkje dette er bra for Viking, seier ein Erik Nevland som ikkje likte nyheiten om at Østenstad gjer seg.
Kvifor ikkje?
– Han er ein flink mann i jobben sin, og har gjort det han kan for for at Viking skal gjera det bra.
Han trur ikkje at dette hjelper Viking i det lange løpet.
– Det er spelarane ute på banen som må få til betre resultat, seier han.