Christine Sagen Helgø er ny regionleiar i NHO i Rogaland etter at Tone Grindland gav beskjed om at ho ville slutte i stillinga i oktober.

Sagen Helgø var ordførar for Høgre i Stavanger mellom 2011 og 2019. Ho har også vore gruppeleiar i partiet.

I desember blei det kjent at ho var interessert i jobben i NHO.

– Eg er glad for å kunne presentere ein regiondirektør med ei så unik erfaring frå politikk og næringsliv, seier Gjermund Løyning, områdedirektør for regionar i NHO da han presenterte nyheita tysdag morgon.

Christine Sagen Helgø kjem frå stillinga som utviklingsdirektør i Camar Eiendom.

– Eg er takksam for tilliten og er veldig motivert for å jobbe for bedriftene i heile regionen, seier ho.

Tone Grindland blir ny direktør i Stavanger Konserthus.