Det er arbeids- og inkluderingsminister Dag Terje Andersen som opplyser dette.
Den opprinnelege fristen gjekk ut ved midnatt natt til i dag, men det vart avgjort å halde fram forhandlingane i dag etter nokre timars pause.
Forhandlingane starta opp igjen i føremiddag, og i kveld vart det kjent at fristen er utsett med ei veke.
- Det er viktig å få denne ekstra veka til å halde fram den gode dialogen, og jobbe grundig for å finne ei god løysing for ei framtidig pensjonsordning, seier Dag Terje Andersen.
Han vil ikkje seie at streikefaren er over, men understrekar at det er vilje til å finne ei løysing.
Statsråden seier at det siste møtet mellom partane i dag vart halde i ein god tine, og at både arbeidsgjevar- og arbeidstakarsida er samde om å halde fram dialogen.
