USAs utanriksminister Antony Blinken seier dei ikkje var innblanda i drapet på Hamas-leiaren Ismail Haniyeh.

– Dette er ikkje noko vi kjende til eller var involvert i, seier han til TV-stasjonen Channel News Asia i Singapore onsdag.

Haniyeh blei drepen i eit angrep i Irans hovudstad Teheran natt til onsdag.

Blinken seier det er avgjerande å få på plass ei våpenkvile på Gazastripa.

Haniyeh var involvert i samtalane mellom Hamas og Israel om ei mogeleg våpenkvile.