John Christian Elden, Hauklands bistandsadvokat, skriv dette i ei melding til NRK:
«Hun har status som fornærmet, og Oslo tingrett har oppnevnt meg som bistandsadvokat for henne i sak som vurderes som vold i nære relasjoner etter straffeloven prg 282. Nora har selv ikke anmeldt noe, men forholder seg til at politiet har valgt å ettergå dette.»
NRK har forsøkt å få kontakt med Høiby sin forsvarar, Øyvind Brattlien, men har ikkje lukkast. Politiet har ingen kommentar til uttalen til Elden.
John Christian Elden er bistandsadvokaten til Nora Haukland.
Foto: Annika Byrde / NTBElden skriv også:
«Det at et offer har status som fornærmet, gjør ikke at den som etterforskes er siktet.»
Saka til Haukland er ei såkalla undersøkingssak. Denne koden brukast i saker der politiet førebels ikkje har nok informasjon til å vurdere om det skal bli oppretta ei straffesak.
– Det har vore mykje press den seinaste tida. Så sånn sett er det ikkje lett, men ho prøver å kome seg vidare. Dette var jo episodar ho trudde ho var ferdig med for ei stund sidan, seier Elden om Haukland.
Julianne Snekkestad sin advokat Petter J. Grødem stadfestar til NRK at undersøkelsessaka som gjelder Snekkestad også blir vurdert som vald i nære relasjonar etter § 282.
Straffelova § 282 har ei strafferamme på inntil seks år:
Oslo politidistrikt skriv i ei pressemelding at dei har sett i gang etterforsking mot Høiby i to ulike saker der Juliane Snekkestad og Nora Haukland er fornærma.
– Media vil få informasjon ved endring i siktinga. Det blir gjort avhøyr denne veka. Vi må komme tilbake til det litt seinare, seier Unni Grøndal, pressesjef i Oslo Politidistrikt til NRK.
Høiby er sikta for vald, skadeverk og truslar
Søndag 4. august blir Høiby pågripen av politiet på Jansløkka skole i Asker.
Natta i førevegen meiner politiet at han skal ha vore valdeleg mot ei fornærma kvinne i leilegheita der ho bur. Han skal også ha øydelagt fleire gjenstandar.
Etter pågripinga siktar dei Høiby for kroppskrenging og skadeverk. Politiet seier det er ein relasjon mellom han og kvinna.
23. august uttala politiet at dei hadde utvida siktinga til truslar.
Høiby innrømmer vald
14. august innrømmer Høiby til NRK at han «utøvde kroppskrenkelser og ødela gjenstander» då han var rusa på kokain og alkohol.
Han seier då han vil ta ansvar og forklare seg til politiet.
Høiby beklagar også til den fornærma kvinna som han omtaler som kjærasten sin.
Ein ekskjæraste uttaler seg
12. august kjem Juliane Snekkestad med ei uttale på sosiale medium, der ho hevdar å ha blitt utsett for vald av Høiby.
Ho blir kalla inn til avhøyr av politiet og får status som fornærma i ei undersøkingssak mot Høiby. Han er ikkje sikta, men mistenkt.
20. august seier advokaten hennar at saka blir etterforska som mogleg vald i nære relasjonar.
Enda ein ekskjæraste får status som fornærma
15. august uttaler Nora Haukland på sosiale medium at ho skal ha blitt utsett for vald av Høiby.
Ho har blitt kalla inn til avhøyr av politiet. Dei opprettar ei undersøkingssak der dei etterforskar mogleg vald i nære relasjonar, stadfestar bistandsadvokaten.
Haukland har status som fornærma. Høiby er ikkje sikta.
Etterforskar tre saker
Det er altså kjent at politiet har tre saker på bordet som er knytt til Høiby.
- I den første saka er Høiby sikta for kroppskrenking og skadeverk mot ei fornærma kvinne.
- Politiet har oppretta ei undersøkingssak mot Høiby der Juliane Snekkestad er fornærma.
- Politiet har også oppretta ei undersøkingssak sak mot Høiby der Nora Haukland er fornærma.
To eksar i avhøyr
To av Høiby sine tidlegare kjærastar, Nora Haukland og Juliane Snekkestad, har begge gått ut på sosiale medium og uttalt seg om påstått vald.
Politiet har teke kontakt med begge og bede dei om å stille i avhøyr.
Måndag kveld stadfesta Snekkestad sin advokat, Petter J. Grødem, at ho ønskjer å forklare seg vidare om det ho hevdar er vald frå Høiby då dei var kjærastar.
Marius Borg Høiby er sikta for kroppskrenking og skadeverk mot ei fornærma kvinne. To andre eksar er fornærma i undersøkingssaker.
Foto: Håkon Mosvold Larsen / NTB– Ho vil fortelje si historie og ho vil forhindre at andre blir utsett for det same, seier Grødem til NRK.
Snekkestad var i sitt første politiavhøyr rett før helga, det nye politiavhøyret skjer tysdag.
Snekkestad har også status som fornærma i det som skal vere ei undersøkingssak der politet etterforskar mogleg vald i nære relasjonar.
Budde saman
Marius Borg Høiby har budd saman med dei to ekskjærastane og har hatt same folkeregistrerte adresse.
Haukland og Høiby budde saman ein periode på Skaugum, der kronprinsfamilien også bur.
Søndag 4. august blei han pågripen av politiet ved Jansløkka skule og sikta for kroppskrenking mot ei kvinne og skadeverk der ho budde på Frogner.
