Det er bygd i alt 90 leiligheter i tillegg til 40 nye hotellrom. Men så langt er berre få leilegheiter selt, trass i at dei ligg fint til på høgfjellet.
Finanskrisa må ta mykje av skulda, meiner dei som står bak prosjektet.
Luksus
Det er ikkje luksusen det står på når Pellestova blir rehabilitert og pussa opp. I halvtanna har det vore arbeidd her for at hotell og leilegheiter skal stå ferdig innan fristen for opninga i månadsskiftet oktober/november.
Dei siste ti åra har det vore mye fram og tilbake på Pellestova. Men så kjøpte entrepenør Terje Sauthon heile anlegget for 30 millionar kroner. Etter det har han saman med resten av T. Sauthon Bygg AS løfta det meste til høg kvalitet. Men trass i fin natur og høg standard, har ikkje salet skote fart. Så langt er berre 4 av dei 90 leilegheitene på Pellestova selde.
Finanskrisa
Årsaka er at leilegheitene vart ferdigstilte samtidig som finanskrisa kom. Det seier vertskap Ingar Tangen Odland.
- Derfor må vi nå leige ut, både på åremål og korttidsleige, og få inn inntekter frå det, seier han.
Fleire i byggebransjen i Oppland seier det er galskap å byggje stort og flott i håp om å få selt midt i finanskrisa. I Trysil prøvde Estatia resort å byggje eit Spahotell. Men også dei vart råka av finanskrisa, og resorten er nå ein spøkelsesby som står og forfell.
50 av 90 leilegheter på Pellestova er allereie ferdige og klare til inflytting, to månader før offisiel opning, men kjøparane lar altså vente på seg.