Mariann Skotte framleis ordførar i Lesja
Mariann Skotte (Sp) held fram som ordførar i Lesja. Det er klart etter at Høgre i kveld bestemte seg for å samarbeide med Senterpartiet og ikkje med Arbeidarpartiet. Audun Holsbrekken frå Høgre blir dermed varaordførar i Lesja.
Holsbrekken seier forhandlingane med begge partar har gått føre seg i ein god atmosfære.
– Når det er sagt så var det jo eigentleg litt magekjensle som avgjorde resultatet til slutt, seier han og legg til:
– Me har hatt møte i kveld og diskutert oss fram til at Senterpartiet var det rette valet for oss. Me meiner at i eit samarbeid der kan me setja dagsorden og få fram mange saker som og er viktig for Høgre, seier Holsbrekken.