På Nyseterhøgda på Grua i Lunner har det ikkje vore gruvedrift sidan 1927, men likevel er det stor aktivitet i gruvegangane. Nyleg vart det funne ei svært sjeldan børsteflaggermus nettopp her.
– Den har tidlegare vorte sett berre tre gonger her i landet. Sist den vart sett var i ein trappeoppgang på Majorstua i 1961, seier Jeroen van der Kooij i
.Les også:
Les også:
Har leita i 15 år
Han har leita seg gjennom over 100 gruver dei siste 15 åra for å prøve å finne den svært sjeldne flaggermusa.
– For å finne den må du ha ei god lommelykt, hjelm og svært godt tolmod, seier van der Kooij.
Og til slutt vart tolmodet belønna med funn, heilt oppunder taket i gruvene på Grua.
Lang kvile
– Nå er den heilt stille fordi den er i dvale. Den er i dvale i 7-8 månader før den vaknar att i slutten av april eller byrjinga av mai, seier van der Kooij.
Nå vil zoologane halde fram leitinga etter fleire børsteflaggermus i området.
– Dette kan vere eit streifdyr frå Sverige, men vi vil følgje med og leite for å finne ut om det er ein bestand her på Hadeland, seier zoolog Jeroen van der Kooij.