Miljøvernminister Knut Arild Hareide vil ikkje love at rakfisk-produsentane i Valdres får løyve til å auke produksjonen. Det kom fram i spørjetimen i Stortinget onsdag.
Rakfiskprodusentane i Valdres ønskjer å auke produksjonen, men har fått nei frå Fylkesmannen si miljøvernavdeling.
Knut Arild Hareide (Båe foto: NRK)
Hareide meiner det er gode grunnar til ikkje å auke produksjonen av rakfisk.
- Strandefjorden i Valdres er den største og mest utsette innsjøen for fiskeoppdrett. Dammane rundt slepper ut næringssalt som skadar Strandefjorden, og det fører til oppblomstring av algar i innsjøen, forklarar Hareide.