– Eg hørte at Andrea ropte namnet mitt og at det var brann i nabohuset. Vi sprang bort i vindauga og såg at det brann, fortel Julie Langlo Johnsen.
- LES ALT OM BRANNANE:
Ho og Andrea Langlo Johnsen bur i Bredenbecksmauet.
– Eg låg i sofaen, og såg i sidesynet mitt at det var mykje røyk utafor, fortel Andrea.
Saman flykta dei utor huset og ned i smauet der det brann.
– Vi såg at naboane snakka med brannvesenet på telefon, og spurte om det var noko vi kunne gjera, fortel Andrea.
Jentene kom seg deretter i tryggleik.
(Saka held fram under biletet)
Evakuerte bebuarar i buss
Bergen kommune er sett i høg beredskap, og har kontakta Scandic Hotell på Kokstad.
– Førebels har dei ikkje fått oppmoding frå politiet om å skaffa overnattingsplass. Til no har det har dreidd seg om å skaffa bussar for evakuera bebuarane i området, fortel kommunaldirektør Ove Foldnes i Bergen kommune.
Kl 23.15 fortel Foldnes til NRK at ein del bebuarar vil bli frakta i buss til Scandic Hotell på Kokstad for overnatting.
– Det er ganske ekkelt
Runar Lindseth bur to smug unna der den første brannen byrja.
Ei kvinne har meldt seg til politiet og har innrømma å ha starta dei tre brannane i Bergen sentrum.
– Det er ganske ekkelt å tenkje på at brannane kan vera påsatt. No er det jo politifolk overalt, så eg føler dei har kontroll, fortel han.
Han seier at den tredje brannen vart stansa i startfasen, og tykkjer det er tryggjande.
– Ein veit jo at det er tett busetnad og trebygg. For nokre år sida brann treningsstudio i gata her. Det var ifølgje mi mor ein enno større brann, og då hadde brannvesenet også kontroll.
– Alt går bra med meg. Mor mi og bror min er heime og er trygge.
NRK oppdaterer saka