Gjennom eit smau i Bergen kjem ei rekke med ståhjulingar som dei blir kalla på norsk. Med guide Chris Martin Meyer i spissen får turistane både læra om og sjå Bergen.
– Du legg vekta på tærne for å gå framover, og på hælane for å bremsa, forklarer Mayer til dei av kundane som aldri har prøvd stålhjuling tidlegare.
– Det er veldig vakkert. Er forventa ikkje at den skulle vera så stor, men den er nydeleg, seier turist Kelsey Ruediger.
Fekk ideen tre dagar før det blei lovleg
GUIDE: Chris Martin Meyer guidar turistar gjennom Bergen ved hjelp av framkomstmiddelet segway.
Foto: Tim Christian Wassmo / NRKI og med at stlåhjulingen blei lovleg i Noreg først for 14 dagar sidan er Bergen Segway eit relativt ferskt selskap.
– Me ser heilt klart at det kan vera ein marknad her, og at dette er noko me kan tilby i lang tid framover, seier guide Chris Martin Meyer.
– Det var ein idé som slo meg tre dagar før dette blei tillate. Eg var på ein segway-tur i Milano for ein del år sidan og syntest det var artig. Eg starta å tenka på dette då eg såg at segway skulle bli lovleg. Bergen må jo vera den perfekte by å driva med Segway-køyring, forklarer styreleiar og gründer Alexander Blokhus.
LES OGSÅ:
– Ein flott måte å sjå byen på
SMAU: Segway kjem til dei fleste stadane i Bergen, også i smale gater, smau og opp til Fløien.
Foto: Tim Christian Wassmo / NRKI dei klassiske turistbussane må serverdigheitene betraktast frå avstand, medan segwayen tar seg fram stort sett over alt.
– Det er ein flott måte å sjå byen, med små stiar og me får reist opp på desse fjella og får sjå alle delar av byen føler eg, seier segway-turist Eric Ruedinger då NRK møter han på toppen av Fløien.
– Det er lett. Me prøvde å gå rundt med sekkane våre, men dette er ein betre måte, smiler Milou Nederstigt.
