Store delar av norsk kjøtt-industri er samla i Norsk Kjøtt, med 37.000 bønder som medlemmer. Vestlandske Salslag er ei av dotterbedriftene.
D-dag i morgon
For vel eit år sidan vedtok Norsk Kjøtt å spara mellom 530 og 620 millionar kroner. I morgon, når konsernsjef Axel Krogvig legg fram spareplanen, får me sjå første del av rekninga. Planen kjem til å innehalda forslag om nedlegging og samanslåing av slakteri og anlegg. Eit av dei kan vera slakteriet i Granvin, som har 20 tilsette og er ei av hjørnesteinsbedriftene i kommunen.
Ut på høyring
Planen som vert presentert i morgon, skal ut til medlemmene før han skal behandlast i dotterselskap og styre. I byrjinga av desember skal årsmøtet i Norsk Kjøtt avgjera om Vestlandske Salslag har tatt sin del av innsparinga - kanskje ved å legga ned Granvin Slakteri.