– Det er ein mann i byrjinga av 50-åra som vart funnen død, seier operasjonsleiar Erik Hole ved Hordaland politidistrikt til NRK.no
Det var søndag morgon at ein livlaus mann vart observert i sjøen ved Kollevåg i Askøy kommune. Kl. 10:35 kunne Hordaland politidistrikt melde at ein mann var tatt opp av sjøen og erklært død.
IDENTIFISERT: Politiet har identifisert mannen som vart funnen død i sjøen ved Kollevåg i Askøy kommune søndag morgon.
Foto: Tom-Stian Karlsen / AskøyværingenPolitiet har no identifisert mannen.
– Mannen er identifisert og dei pårørande er varsla. Vi har hatt samtale med dei og vil hjelpe dei med oppfølging. Vi vil ikkje frigje namnet i dag, seier Hole.
Livlaus mann observert
– Det var forbipasserande som oppdaga ein livlaus mann i sjøen og ringde til politiet, seier Hole.
Kollevåg er eit strandområde på Askøy utanfor Bergen.
– Mannen vart funnen ved ein fritidsbåt, seier innsatsleiar Kjetil Øyri til NRK.no på staden.
Peiker på ei ulykke
– Omstende peiker på at det har skjedd ei ulukke. Vi har ingen grunn til å tru at det har skjedd noko straffbart, seier Hole.
Politiet har no sprerra av området ved eit grillhus i Kollevågen der mannen vart funnen.
– Vi etterforskar saka vidare for å kartlegge hendinga, seier Hole.
Gjorde overflate søk
– Våre dykkarar vart bedt om å hjelpe politiet i funnet. Vi har gjort overflatesøk, og ventar på fleire ordre frå politiet, sa vaktkommandør Jan Henning Fossedal i 110 Hordaland tidlegare i dag.
