NRK Meny
Normal

Død mann funnen i Fusa

Politiet har funne ein død mann i Skogseidvatnet i Fusa. Ein kajakkpadlar har vore sakna sidan fredag.

Leting i Skogseidvatnet i Fusa

LEITEAKSJON: Det vart sett i gang leiteaksjon i Fusa etter at ein kajakk med to personar gjekk rundt i Skogseidvatnet fredag førre veke. No er ein mann funne omkomen i vatnet.

Foto: Kjell Jøran Hansen / NRK

– Vi kjenner ikkje identiteten til den omkomne enno, seier operasjonsleiar Jan Steimler i politiet til NRK.

Etter å ha søkt i vatnet med ein fjernstyrt undervassfarkost, gjorde politiet funn av ein død mann i Skogseidvatnet i Hålandsdalen i Fusa onsdag. Sidan fredag har ein 31 år gamal mann frå Bergen vore sakna, etter at kajakken han og ein kamerat sat i gjekk rundt.

Den eine av dei kom seg trygt i land, men vart ståande å sjå kameraten forsvinne i det mørke vatnet. Ulukka skjedde ved midnatt fredag.

Tidlegast identifisert i morgon

Ein stor redningsaksjon vart sett i gang, men laurdag formiddag vart den trappa ned.

– No må vi undersøkje om mannen vi har funne er den sakna. Det gjer vi tidlegast i morgon, avsluttar operasjonsleiar Steimler.

Den omkomne mannen vart funne på sju meters djup, ikkje langt frå land.

Siste video

Programleder: Jan Børge Leirvik
Programleder: Jan Børge Leirvik
Programleder: Jan Børge Leirvik