– Vi avsluttar det vi kallar aktivt søk, og saka går over til å vera ei etterforskingssak av sakna person, seier operasjonsleiar Hans-Eirik Thue, i Vest Politidistrikt, laurdag kveld.
61 år gamle Trond Erik Lohne frå Olsvik i Bergen blei meld sakna onsdag. Familien hadde kontakt med han på telefon måndag, men etter dette stoppar alle spor etter mannen.
I fleire dagar har politiet og leitemannskaper gjennomført søk i området der han bur, utan resultat.
– Vi har søkt gjennom områda som var mest aktuelle, og har ikkje meir å gå på der. Han kan vera kor som helst, seier operasjonsleiaren.
Ber framleis om tips
Politiet har heile tida vore i dialog med den sakna sin familie, og forklarer at familien er orientert om at søket er avslutta.
– Men vi er framleis svært interessert i tips i saka, seier Thue.
Politiet tek imot tips på telefon 02800.
Den sakna, Trond Erik Lohne, er:
- 175 cm høg
- Grått hår
- Går ofte med caps
– Sjekk hagane i Olsvik!
Laurdag føremiddag starta søket med over 50 personar frå Røde Kors, Norske Redningshundar og Sivilforsvaret i aksjon.
– Det same området blei søkt gjennom fredag, men no gjer vi eit finsøk, sa John-Endre Skeie, innsatsleiar i politiet, til NRK.
Samtidig jobba politiet med taktisk etterforsking for å prøva å finna spor etter han. Politiet ber framleis bur i området om å sjå rundt husa sine og i hagebodar etter den sakna.