I dag startar KrF, Frp og Høgre forhandlingar for å sjå om dei kan bli samde om ein felles politikk - også for dei fire neste åra.
Les òg:
Les òg:
Les òg:
Politikken fyrst
Filip Rygg i KrF understrekar at kva posisjonar dei ulike partia får, er mindre viktig enn politikken dei borgarlege no skal verte samde om.
– Sist gong brukte me kanskje to eller tre veker på politikken, og berre ein halv dag på posisjonane. Eg trur det vil bli slik i år òg, seier Rygg.
Filip Rygg trur forhandlingane med Høgre og Frp kan bli tøffe.
Taust frå Høgre
Mykje er annleis no enn det var for fire år sidan. Frp har mista halvparten av veljarane sine, medan Høgre har fått seks nye representantar i bystyret.
Høgre feira stort på valnatta.
– Eg er berre så utruleg stolt av å bu i den vakraste byen i Noreg, og at bergensarane har sagt ja til politikken til Høgre, sa ordførarkandidat Trude Drevland valnatta.
Men no er Høgre tause, og ynskjer ikkje å kommentere forhandlingane i dag.
Fleire friarar
Tidlegare denne veka vart det klart at både Byluftlisten og Senterpartiet ynskjer å vere med i eit borgarleg samarbeid, og dermed er det fleire fleirtalsmolegheiter sjølv utan Frp.
– Eg konstaterar at Monica Mæland har mange friarar for tida, men det er Høgre, KrF og Frp som har vorte samde om å forhandle, seier Liv Røssland i Frp.
Som valvinnar har Høgre fleire friarar som vil regjere saman med dei i dei neste fire åra.
Foto: Kristine Askvik / NRKFrp og KrF trur det blir tøffe forhandlingar.
– Me skal kjempe knallhardt for våre saker, og det skal sikkert dei andre gjere òg. Dette blir både gøy og spanande, seier Filip Rygg.
Også Liv Røssland er spent.
– Me har hatt ein god tone, men det kjem til å bli tøft og det kjem til å verte store diskusjonar.