NRK Meny
Normal

Nektar mekling etter tjuveri

Butikkeigarar i Lillehammer vil ikkje mekle i konfliktrådet med folk som har stole varer.

- Mange trur feilaktig at ei bot svir hardare, seier Grete Stabekk, leiar av Konfliktrådet i Oppland.

Ho seier fleire yngre folk vil seie unnskyld etter at dei har naska, skriv Lillehammer byavis.

- Då er det beklageleg at leiinga ved butikkane seier nei, seier Stabekk.

Svir meir enn bota

I følgje tal frå Konfliktrådet i Oppland var det i fjor rundt 27 anmeldte saker som egna seg for mekling i Lillehammer.

- Mange trur at ei bot svir hardt, men eit møte i mekling er ein meir virkningsfull lærepenge, seier Stabekk. Samstundes trur ho at det vil vere langt meir preventivt å møte butikkeigaren andlet til andlet framfor å få ei rekning i posten.

Enkelte butikker i Lillehammer har brukt Konfliktrådet med stort hell, blant dem er Europris.

- Eg trur absolutt bruket av konfliktrådet er ein god lærepenge. Tenk deg hvor surt det er å stå ein dag i butikken der du har naska, seier Bodil Haakenstad i Europris.

Stort svinn

Haakenstad seier dei kvart år har fleire hundre tusen kroner i svinn.

- Vi ynskjer ikkje større utgifter enn det vi allereie har, seier ho, som fortel at nasking tek mykje tid. For kvar einaste veke er det folk som prøver å ta med seg varer ut av butikken.

Haakenstad ynskjer seg eit fleksibelt konfliktråd som legg til rette slik at butikkane kjem minst mogleg til skade.

SISTE NYTT FRA HEDMARK OG OPPLAND

Video fra Hedmark og Oppland

Elena fra Lillehammer er opptatt av de små bedriftene
Nils Thore Jansson fra Finnskogen mener mye om mangt, særlig om politikere og sentralisering.
Bar Hassan fra Follebu skal stemme for første gang