Vikarbyåret Adecco på Hamar har mellom anna skaffa Toten bygg og anlegg 20 vikarar frå Polen og Tyskland.
- No er det slutt på fagfolk derifrå. Derfor ynskjer vi å ta inn bygningsarbeidarar frå Sverige, Nederland og Latvia.
Rune Sørheim i Adecco på Hamar seier dei berre har gode røynsler med faglærte vikarar frå utlandet.
Nøgde folk
Toten bygg og anlegg er mellom dei verksemdene som har importert flest vikarar den siste tida. Arne Slettum kan velje og vrake i vikarfirma som vil hjelpe til.
- Vi er heild naudt til å bruke vikarar, for hos oss er det travelt om dagen. Når vi i tillegg har ein del sjuke folk må vi bruke dei vi kan for å få oppdraga unna, seier Slettum.
Slit no
Men det er ikkje berre lett å få tak i nok folk. Ved Adecco på Hamar fortel Rune Sørheim at dei satsar på kvalitet på sine vikarar.
- Det tek tid å få gode folk. Men så lengje vi ikkje finn nokon i Polen og Tyskland, må vi utvide horisonten. Difor vil vi no rekruttere folk frå Sverige, Nederland og Latvia, seier Sørheim.
Drog frå låg løn
Marhias Schurig drog frå låg løn og dårlege arbeidsvilkår i Tyskland. No byggjer han bustader på Gjøvik.
Han er mellom dei 70 som har fått arbeid i innalndet den siste tida. Han har fagbrev frå heimlandet og har fått fire vekers språkkurs og innføring i norsk arbeidsliv.