Det er berre ruinar att av gruvebyen Røstvangen på Kvikneskogen i Tynset.
Video: Sjå ruinbyen på Røstvangen.
Det som ein gong var heimstad og arbeidsplass for bortimot 300 gruvearbeidarar og familiane deira, står i dag som et minnesmerke over 2000 år med bergverkshistorie i Nord-Østerdalen.
For ei tid!
Røstvangen eksisterte i mindre enn 20 år, men for ei tid det var. Nordens Klondyke vart det kalla, og den svenske eigaren investerte voldsomt i gruva og i gruvebyen.
- Røstvangen var ein heilt komplett liten gruveby, med alt det som skal til for å halde eit samfunn gåande, seier styrar og konservator ved
, Per Hvamstad.Eigen fotballklubb
På Røstvangen var det butikk og skule, det var kino, bibliotek, kafe og restaurant.
Gruvearbeidarane var dessutan glade i idrett: Her var det fotballklubb, skyttarlag og idrettslag. Det vart arrangert kretsrenn i både langrenn og hopp.
Sjå bildegalleri:
I løpet av 10 år frå 1907 til 1917 vaks gruvebyen Røstvangen voldsomt. I toppåret 1917 arbeidde det nær 300 personar i gruva.
Med kvinner og barn kom innbyggartalet i byen opp i over 500.
Rekordstor konkurs
Etter første verdskrigen kom nedturen. Prisane på svovelkis fall kraftig, og konkursen i 1921 var spektakulær.
Les meir om den spesielle gruvebyen på
.- I 1921 var det landets største konkurs, seier næraste nabo til ruinbyen på Røstvangen, Harald Stubsjøen. Han har interessert seg for den spesielle historia bak ruinbyen på Kvikneskogen.
- Centralbanken heldt på å gå konkurs to gonger på denne saka. Gruveselskapet Røstvangen hadde 10 millionar kroner i gjeld då det gjekk konkurs, fortel Harald Stubsjøen.