Dei tre brannane ligg alle på område det er vanskeleg for brannmannskapet å bevege seg i.
Her brenn det no:
- Hoensvannet og Kløveråsen i Øvre Eiker. Denne brannen er under aktiv sløkking. Her får brannvesenet hjelp frå eit helikopter.
- Nore og Uvdal ved Kortefjell i Trillemarka. Her ventar mannskapet på eit helikopter som er på veg samstundes som dei jobbar med å sløkke brannen.
- Lifjell i Kongsberg, vest for Efteløtt. Her jobbar mannskapet med å få kontroll på brannen.
Ettersløkker fire brannar
Fire brannar frå tidlegare blir ettersløkkt og halde auge med av brannvesenet. Dei har kontroll på to i Øvre Eiker, ein på Flesberg og ein på Kongsberg.
