Bruce Molsky, Annbjørg Lien og Ånon Egeland - Folkemusikktimen byr på andre del av konserten med dei tre felemeistrane på Riksscenen i Oslo. Det var stinn brakke, stormande jubel og god musikk, med andre ord full klaff for arrangøren ”Oslofolk”.
Oldtime-meisteren Bruce Molsky er no for lengst tilbake på sine tallause konsertreiser over heile USA, men vil svært gjerne kome att for å lære meir norsk folkemusikk. Under konserten nytta han høvet til å utrykkje si beundring for sine norske felekollegaer Annbjørg Lien og Ånon Egeland, og fekk vist at norske feleslåttar frå Aust-Agder ligg godt i handa på ein spelemann som bur i Washington, DC.
Folkemusikktimen i NRK P2
- søndag 21. mars kl. 18.03 og
- tysdag 23. mars kl. 20.30
Programleiar: Leiv Solberg