Consolis har alt nå dotterselskapet Spenncon i Norge. Spenncon har i dag seks fabrikkar i Norge, blant dei fabrikken på Foss/Eikeland i Sandnes.
AS Betong har 130 tilsette ved elementfabrikken på industriområdet Skurve i Gjesdal, og omsette for 239 millionar kroner i fjor.
– Spenncom har lang erfaring med betongfasadar til bygg. Etter oppkjøpet kan me levera fleire ulike typar overflatebehandlingar, for eksempel slipte betongfasadar, seier administrerande direktør i Spenncon, Ingrid Dahl Hovland, i ei pressemelding.
Dei nye eigarane seier det ikkje blir endringar i bemanninga. AS Betong kommenterer eigarbyte slik:
– Me i AS Betong er glade for å bli ein del av landets leiande leverandør av prefabrikkerte betongelement for bygg og anlegg, seier administrerande direktør i AS Betong, Åsulv Salte, i pressemeldinga.
Spenncon har 640 tilsette og ein omsetnad på over 1,2 milliardar kroner. Spenncon inngår i konsernet Consolis SAS, med 10.000 tilsette i 30 land og ein omsetnad på over 10 milliardar kroner.
Oppkjøpet må godkjennast av Konkurransetilsynet. Det er venta at godkjenninga er klar i august.
Dei tilsette i AS Betong blei orienterte om eigarbyte i dag.
Foto: Spenncon
