Klokka 13.15 fekk politi og brannvesen inn melding om brann i Skiparvegen i Kopervik på Karmøy.
– Det er ein einebustad som brenn, det var ei kvinne inne i huset, men ho har nå kome seg ut, seier Norunn Byrknes, operasjonsleiar i Haugaland og Sunnhordland politidistrikt.
Totalskadd innvendig
Det var aldri fare for spreiing. Omtrent klokka halv fire hadde brannvesenet sløkt brannen.
– Huset er totalskadd innvendig. Det kan sjå ut som brannen har oppstått på ein baderom der ein tørketrommel var i drift, seier Byrknes.
Ho påpeiker at brannårsaka ennå ikkje er klar, og at den vil avklarast i vidare etterforsking.
Karmøy lensmannskontor etterforskar saka.
Innholdet som skulle vises her støttes dessverre ikke lenger.
