Kvinna blei overfalt i krysset Leirkupgata/Kjølnesgate i Porsgrunn rett før brua ved Elverhøy studenthjem i Porsgrunn rett før klokka 22.
Til politiet fortel kvinna at ho blei overfalt av desse to mennene og forsøkt dratt ut av vegen. Kvinna blei utsatt for vald, men kjempa såpass godt at ho kom seg laus og sprang frå frå staden.
Kvinna beskriv mennene for å vere afrikanarar. Den eine hadde på seg ei mørk jakke, kanskje skinnjakke. Den andre hadde ein lys/kvit genser som kan vere hettegenser.
Sjekkar overvakingsvideo
Politiet ber om tips knytta til observasjon av personar som passer til beskrivinga i Porsgrunn laurdag kveld.
Politiet er no i ferd med å sjekke overvakingsvideoar i området i jakta på overfallsmennene.
– Det er truleg ikkje overvakingsvideo i området der valdtektsforsøket skjedde, men vi skal undersøke overvakinga i sentrum, seier politiadvokat Svein Folkestad i Telemark politidistrikt til Varden.
Andre overfall på kort tid
Politiet etterforskar saka som eit valdtektsforsøk.
– Heldigvis blei ikkje forsøket fullbyrda, men kvinna blei tatt hand om etter prosedyrene fir valdtekt og har blant anna vore på valdtektsmottaket, seier Folkestad.
Dette er det andre overfallet på kort tid i området. Også den 22. august i år blei ei kvinne overfalt og forsøkt valdtatt på Kjølnes i nærleiken.
