På eit ekstraordinært styremøte i dag blei det klart at Løv-Ham ikkje treng å trekka laget sitt frå 1. divisjon.
Fotballklubben fekk i fjor eit underskot på tre millionar kroner, og har på grunn av det slite økonomisk i år.
Fire millionar for å gå i balanse
Løv-Ham sette i gang fleire tiltak for å unngå konkurs, og fredag var det
. Dei hadde då skaffa til vege tre av dei fire millionane dei treng for å gå i balanse.Den siste millionen var avgjerande for om a-laget til klubben kunne halda fram i 1. divisjon.
Trekk tilbake permiteringsvarsel
Tilskot frå enkeltpersonar, bedrifter og Sportsklubben Brann gjer at Løv-Ham nå har trekt tilbake
.– Eg kan stadfesta at det har vore dialog mellom oss og Løv-Ham, og me har prøvd å gjera livet lettare for dei. Me ønskjer å vera ein støttespelar, men eg vil ikkje gå inn på detaljane i avtalen vår med Løv-Ham, seier Terje Marthinsen, fungerande dagleg leiar i Brann.
Manglar 500.000 kroner
Ifølgje ei pressemelding frå Løv-Ham har dei fått til auka inntekter og reduserte kostnadar/gjeld tilsvarande 3,5 millionar. No gjenstår ca. 500.000 koner for å komma i blanse ved utgangen av 2011.
Klubben melder at det er viktig å understreka at klubben framleis har store økonomiske utfordringar. Arbeidet med å utvida sponsornettverket vil halda fram.
Løv-Ham starta i helga kronerulling for å få inn den siste millionen, i tillegg til har dei jobba med å få på plass avtalar.