Onsdag ettermiddag tok det til å brenna i Strandgaten 73.
.Fredrik Henriksen bur i huset der det tok til å brenna. Han var heime aleine onsdag ettermiddag.
– Alle dei andre var på skule eller jobb. Eg satt på rommet mitt, som er i øvste etasje, men merka ikkje at det byrja å brenna. Det var først då nokon ringte på døra eg blei klar over det, seier Henriksen til NRK.
– Kan ikkje bu der
Han fekk då vita at det kom røyk frå taket og sjekka dei andre romma i leilegheita. Først då han opna eit vindauge vekk han auga på røyken, som kom ut frå steinplatene.
Brannvesenet var allereie blitt varsla og kom etter kort tid.
– Det er sjølvsagt ikkje noko kjekt at noko slikt skjer. Me kan ikkje bu i leilegheita no, men det ser heldigvis ut til at det har gått ganske bra med mesteparten av tinga våre, seier NLA-studenten.
Betydelege vasskadar
– Det er vanskeleg å seia noko om skadeomfanget no, men det er nok betydelege vasskader, seier innsatsleiar i politiet, Atle Raa.
Politiet kan førebels ikkje seia noko om brannårsaka.
– Eg og dei eg budde saman med bur førebels hos venner, men må nok finna oss ei ny leilegheit, seier Fredrik Henriksen.