Tok førsteplassen i Siddis Brass

Manger Musikklag blei dirigert av Martin Winter, som hadde arrangert ny musikk til konkurransen for korpset, opplyser nettsida til Siddis Brass.

I tillegg til førsteplass i elite divisjonen stakk Manger Musikklag også av med solistprisen. Solist Erlend Aagaard-Nilsen vann denne prisen for tredje år på rad.

Manger Musikklag vann med 107 poeng. På andre plass kom Stavanger Brass Band med 105 poeng. Eikanger-Bjørsvik Musikklag har vunne konkurransen fleire tidlegare år, seinast i fjor, men kom i år på tredje plass med 103 poeng. Både Manger Musikklag og Eikanger-Bjørsvik held til i Nordhordland.

2010 har vore eit bra år for Manger Musikklag. I februar vann musikklaget NM i Brass.