Norsk institutt for naturforsking (NINA) har kome fram til at halvparten av ulvedøden i Noreg skuldast ulovleg jakt.
- Beklageleg
Leiaren for Økokrim sitt miljøteam, Hans Tore Høviskeland, seier at dei jobbar kontinuerleg for å hindre ulovleg jakt.
- Det er svært beklageleg dersom desse tala er korrekte. Ulven er utrydningstruga, og vi har internasjonale forpliktelsar for å ta vare på ulven, seier han.
Økokrim har ansvaret for etterforskinga av desse sakane, og samarbeider med dei lokale politidistrikta for å kunne ta tjuvjegarane.
Groteske metoder
Han seier at jegarane ofte brukar groteske metoder når dei jaktar ulovleg på ulv.
- Vi har sett at dei brukar giftåte, det er skadeskyting eller skyting av ulv i ynglingstida, seier Høviskeland.
Økokrim oppfordrar nå folk til å ta kontakt dersom dei veit noko om ulovleg jakt.
- Det er svært vanskeleg å oppklare slike saker, ettersom dei skjer ute i naturen, og spora kan bli skjult, seier Høviskeland.