Bjørnejakta avslutta

Det var i går natt ein bjørn vart påkjørt i Eidskog kommune i Hedmark.

Bjørnen vart liggjande i vegen i fleire minutt, før den reiste seg og rømte til skogs.

Spesialjegarar vart innkalla, og politiet og Statens naturoppsyn meinte at bjørnen kunne vere farleg, og bad folk halde seg unna området.

Etter eit nøysomt sporingsarbeid tydar nå det meste på at bjørnen har svømt ut av Hedmark.

Les også: - Kan ha gått ned mot sjøen

- Truleg på Romerike eller i Sverige

- Seint i går kveld førte spora oss til Tandsjøen i Eidskog, og det meste tydar på at bjørnen har svømt over eit sund. Truleg er den nå på Romerike eller i Sverige, seier operasjonsleiar Geir Bekkedal i Hedmark politidistrikt.

Han seier at dei har varsla politiet på Romerike og Karlstad, og at det nå er opp til dei å avgjere kva dei vil gjere vidare i saka. Bekkedal innrømmer at det er vanskeleg å vite i kva form bjørnen er, eller om den fortsatt kan vere farleg for folk.

- Det er vanskeleg å seie noko konkret om det. Det virkar uansett som om bjørnen er i god fysisk form. Han har gått langt og har også svømt eit lengre stykkje, seier Bekkedal.

Han meiner at det nå er trygt å leggje ut på skogtur i Eidskog.

- Det er ingenting som tydar på at bjørnen er i det området og er farleg.

Sjå TV-innslag om bjørnejakta i går: