Palestinarane har no gått med på å ta opp att direkte samtalar med Israel, men ifølgje palestinarane sin president, Mahmoud Abbas vil samtalane verta brotne dersom Israel tek opp att byggeaktiviteten i dei jødiske busetnadene på den okkuperte Vestbreidda.
- LES OGSÅ: – Fred med palestinerne er mulig
Abbas gjev klar beskjed om at Israel ikkje kan få i både pose og sekk.
– Valet den israelske regjeringa står overfor, er busetnader eller fred, dei kan ikkje få begge delar, seier Saeb Erakat.
Håpar på forsoning
Israel har innført ein mellombels stogg i byggeaktiviteten, men dette er berre fram til den 26. september.
– Dersom Israels statsminister Benjamin Netanyahu vedtek å ta opp att byggeaktiviteten etter denne datoen, vil han ha bestemt seg for å stogge forhandlingane, åtvarar Erakat.
– Me håpar Netanyahu vel forsoning framfor konfrontasjon, men det er opp til han, seier den palestinske sjefforhandlaren.
(NTB)
