– Øvinga er utilgjeveleg krigshysteri, meiner den nasjonale forsvarskommisjonen i landet (NDC). Kommisjonen seier hæren og folket kjem til å setja ein stoppar for militærøvinga med «ein heilag krig på vår eigen måte».
USA og Sør-Korea har planlagt å arrangera to store øvingar saman neste veke.
Det fiendtlege forholdet mellom dei nordkoreanske styresmaktene i Pyongyang og naboen i sør er dermed uendra etter at Kim Jong-un tok over som statsleiar etter at faren Kim Jong-Il døydde i desember i fjor.
Også førre veke lova den kommunistiske staten nord på Koreahalvøya «nådelause hemnåtak» dersom øvingsammunisjon hamnar i farvatn som Pyongyang har gjort krav på nær den omstridde grensa i Gulehavet.
Landet gjorde den gongen ikkje alvor ut av trugsmålet.
- LES OGSÅ: Stridens øye midt i Gulehavet