Normal

Bush søkjer arabisk støtte mot Iran

Den amerikanske presidenten George W. Bush freistar å samla arabisk støtte i kampen mot iransk innverknad i Midtausten, og starta fredag hjå emiren av Kuwait.

President George W. Bush møter emiren av Kuwait Sheikh Sabah al-Ahmad al-Sabah
Foto: JIM WATSON / AFP

Kuwaitiske tenestemenn har alt gjort det klart at dei ikkje vil tillata USA å bruka den vesle staten som utgangspunkt for eit eventuelt åtak på Iran, slik han var under invasjonen av Irak i 2003.

– Herr president, regionen treng smarte initiativ, ikkje smarte bomber, skreiv avisa Al-Rai på framsida fredag.

Kuwait huser ein av dei største amerikanske militærbasar i regionen, Arifjan-leiren, og 15.000 amerikanske soldatar er utplassert i denne og andre militærleirer i landet. Basane speler ei viktig rolle i den amerikanske krigføringa i Irak.

Rundtur til allierte

Bush reiser vidare til Bahrain og Dei sameinte arabiske emiratane, og vert den fyrste amerikanske president som vitjar desse landa. Etter det går ferda vidare til Saudi-Arabia.

Rundturen til dei allierte i den arabiske verda har også eit mål om å få naboane til Israel og Palestina til å stø den skjøre fredsprosessen mellom dei.

Alle monarkia i området rundt Persiabukta har nære band til USA, og kjøper store mengder våpen frå landet.

Laster innhold, vennligst vent..
Laster innhold, vennligst vent..

SISTE NYTT

Siste nytt