Av og til endrar vi oss, alt etter kven vi er saman med. Med nokre venner er du kanskje ein tøffing, mens med andre er du den rolege og forsiktige. Å vise ulike sider av kven ein er, kan vere fint, men kva skjer dersom dei ulike vennene dine møtest? Kven vil du da vere?
Sjå episoden Venner i serien Campingplassen
Spørsmåla tar utgangspunkt i episoden, og kan vere eit fint utgangspunkt for å diskutere Leas dilemma om type vennskap. Elevane kan også dele eigne erfaringar rundt temaet vennskap, og kva som gjer at vi endrar oss alt etter kven vi er saman med.
- Kvifor trur du at Sara ikkje vil vere saman med ferievennene til Lea?
- Dei andre på volleyball-laget opplever Leas bestevenninne som litt spesiell. Kva tenker du?
- Kvifor trur du Sara ikkje vil at Lea skal vere med å spele volleyballfinalen?
- Kva ville du gjort om du kom på overraskingsbesøk, og bestevennen din heller ville vere med dei nye ferievennene enn å henge med deg?
- Korleis hadde du reagert om du fekk vite at bestevennen din hadde loge for deg?
- Kva trur du vil skje når Lea og Sara møtest etter ferien?
- Har du opplevd at det er vanskeleg å vere saman med ulike venner samtidig? Kva kan vi gjere for at det ikkje blir så vanskeleg?
Passar for 5. - 7. klasse