Har mistenkte etter Sauda-hærverk

Politiet har nå konkrete namn på blokka, som dei mistenker for å stå bak hærverket på Sauda ungdomsskule førre veke.

– Etter møte med elevane førre veke, har me fått inn veldig aktuelle tips, seier politioverbetjent i Sauda, Thomas Breivik.

• Les òg: Politiet kaller elever til møte etter hærverk
• Les òg: – Vannskader for millioner ved skolen

Trur saka blir oppklart

Det var på tysdag i førre veke nokon påførte skulebygget skadar i millionklassen ved å leggja papir i vaskane, og lot vatnet renna heile natta.

På fredag hadde politiet møte med elevane på skulen og bedde om hjelp for å få saka oppklara.

Nå har politiet kalla inn til såkalla bekymringsmøte. Dette er vanleg når det er personar under den kriminelle lågalderen som er mistenkte. Barnevernet blir også kopla inn.

Breivik har nå tru på at saka skal bli oppklart.

– Me er i gang med vitneavhøyr, og jobbar vidare med tipsa me har fått, seier han.