-Lofoten er kanskje ein av dei mest spektakulære områda vi har besøkt, og det er andre gong vi drar dit for å tippe bustadprisar, seier Frode.
I tillegg til fritidsbustaden på ei privat øy utanfor Henningsvær besøker vi ein gamal handelsstad i Lyngvær og eit nyoppussa hus med fantastisk utsikt.
Kva kostar det å bu på toppen av Oslo?
I denne sesongen har «Solgt!» også med seg meklarar til Trondheim og til eit av Norges dyraste hytteområde, nemleg Hafjell og Kvitfjell. I eit av programma inviterer programleiar Frode Søreide også til visning på Oslo sitt tak.
-I mange byar kan det bli både trongt og innestengt, men nokon er så heldige at dei får bu på toppen. I dette programmet handlar det om nettopp det, spørsmålet er sjølvsagt kor mykje det kostar, seier Søreide med eit smil.
Utvida sendetid
I haust er programmet blitt utvida med 10 minutt. Dette betyr at det blir enda meir tid til å sjå på husa vi besøker, og vi får presentert områda vi er i på ein meir utfyllande måte. I tillegg blir det reportasje. Mellom anna besøker vi ein heilt spesiell takhage i Oslo, og vi møter fire unge entusiastar i Henningsvær som har skapt seg eit levebrød i ein gamal nedlagt trevarefabrikk.
Årets meklarar:
Program 1 Lofoten: Anders Langtind og Petter Birkrem frå Pivatmelgeren i Oslo mot Obos-sjef Daniel Kjørberg Siraj og tidlegare konsernsjef i Selvaag Bolig Baard Schumann.
Program 2 Oslo: Aksel Sagvaag Innvær og Stine Larsen Sandvik frå Privatmegleren i Bergen mot Bente Fuglestad og Carina Kaldheim frå Eiendomsmegler Vest i Stavanger
Program 3 Trondheim: Robin Rodahl og Helene Molle frå Schala og Partners i Oslo mot Petter Krantz og Yvonne Halvorsen frå Kaland og Partners i Bergen.
Program 4 Lillehammer: Jonny Bolle og Jostein Jensen frå Jensen og Bolle Eiendomsmegling i Narvik mot Jørn Richard Andersen og Hans Westby frå Eie Eiendomsmegling i Vestfold.