Nokre hugsar gymtimen som den einaste fritimen, andre som et sveitt og pubertalt mareritt. I «GYM» skal åtte meir eller mindre kjende deltakarar konkurrere i åtte ikoniske gymøvingar. Målet er å få toppkarakter av gymlærar Mia Hundvin og ende opp med det beste snittet.
Karsten Blomvik og Annika Momrak er tilbake etter eit heller skuffande resultat i første sesong. For Karsten kan dette vere siste moglegheit til å oppnå draumen om å vinne «GYM». Saman med resten av deltakarane får dei prøve seg i alt frå basketball til «Haien kommer».
Tete Lidbom kjennar på frustrasjonen i «Stiv heks», Ulrikke Falch opplev meistring i basketball, Cecilie Bolander dreg fram MMA-ferdigheitene for å forsvare seg mot haien, medan Mohammed Basefer slit med eit dårleg kne. Og får Mia Hundvin børsta støv av gamle ferdigheiter?
Hundvin er strengare i år og vil ikkje la seg overtale til å gje kullet betre karakterar. I tillegg har ho stramma til med fleire tvistar, nye gjestar og kanskje til og med nye fjes undervegs?
Alle åtte episodane er tilgjengelege i NRK TV fredag 19. august.