Trua på dystre økonomiske utsikter framover øydelegg også handlegleda.
Pessimisme
Aldri har Økonomisk Rapports forventningsbarometer, som blir laga i samarbeid med TNS Gallup og Sparebankforeningen, vist større pessimisme i heimane.
Det vil seie sidan målingane starta for 16 år sidan.
Desember starta med eit ras i dei økonomiske nøkkeltala.
Frykta for korleis økonomien kjem til å bli, er tilbake, og folk vil heller spare og betale ned på låna enn å kjøpe nytt.
Stuper bratt
Salet av varer, bustader, bilar og hytter stuper brattere enn nokon kunne spå.
Talet på utlyste jobbar innan varehandel, service og tenesteyting går same vegen.
Det viser ein oversikt søkjemotorselskapet rubrikk.no har laga.
No fell også etterspurnaden etter nye tilsatte i olje og gass offshore og maritim industri.
Det er sektoren som i lang tid har halde den norske veksten høgt oppe.