Det kjem fram i ei fersk undersøking gjort av den svenske banken SEB, der 50 norske finansdirektørar har blitt spurt om forventningane sine om marknaden, melder Dagens Næringsliv.
Dette er ein dramatisk auke frå ei tilsvarande undersøking i fjor, då berre to prosent meinte den økonomiske krisa ville bli verre.
Berre vel 15 prosent av dei spurte meiner at me er gjennom det verste, mot 70 prosent i fjor.
Fundamentale problem ikkje løyst
Nils Petter Dyvik i Wilh. Wilhelmsen forventar redusert global vekst.
Foto: Bendiksby, Terje / SCANPIXNils Petter Dyvik er øvste sjef for økonomi og finans i reiarlaget Wilhelmsen, og er ein av dei som tykkjer at dei verste konsekvensane av krisa ligg framføre oss.
– At me kom så raskt tilbake etter krisa i 2008 skuldast at styresmaktene kom med tiltak for å stimulere veksten. Dette ga umiddelbare resultat i økonomien, men dei fundamentale problema vart ikkje løyst, seier Dyvik til Dagens Næringsliv.
Dyvik understrekar at gjeldsstituasjonen i Europa førebels ikkje har hatt mykje å seie for reiarlaget, men at dei er førebudd å at dei urolege tidene vil slå inn i Noreg.
Ikkje overraska
Kredittanalytikar i SEB, Henrik Blymke, seier til avisa at han ikkje er overraska etter den dramatiske utviklinga i pessimistisk retning.
– Det skal mykje til at ein ikkje blir negativ til makrobiletet. Fleire og fleire ser for seg store makroøkonomiske problem, seier han.
Blymke trekkjer fram shipping, eigedom og energiretta selskap som dei bransjane der krisa har hatt størst innverknad.