Dei tre får prisen for banebrytande arbeid innan organisk syntese. Prisen er på 10 millionar svenske kroner.
Franske Yves Chauvin har fått Nobelrpisen i kjemi. (Foto: AFP/Scanpix)
Yves Hauvin er frå Frankrike, der han arbeider ved Institut Francais du Petrole Ruell-Malmaison. Han er 75 år gammal.
Robert H. Grubbs er frå USA. Han er 63 år gammal, og arbeider ved California Institute of Technology (Caltech) i Pasadena.
Richard R. Schrock er frå USA er også frå USA, og han arbeider med Massachusetts Institute of Technology (MIT) i Cambridge Massachusets. Han er 60 år gammal.
I grunngjevinga til det svenske Kungliga Vetenskapsakadmin heiter det at dei tre får prisen for utvikling av metates-metoden innanfor organisk syntese. Metates-prosessen blir karakterisert slik: Der molekylar "dansar rundt og byter partnarar" for å skape nye molekylar.
Prisvinnarane sin innsats har alt fått vore til stor hjelp for den kjemiske industrien. Det har gitt nye sjansar til å syntasisere molekylar som effektiviserer utviklinga og den industrielle framstillinga av legemiddel, plaster og andre material. På grunn av prisvinnarane si forsking blir produksjonen både billegare og meir miljøvenleg.
Richard R. Schrock får Nobelprisen i kjemi. (Foto: Reuters/scanpix)
- Snart vil berre fantasien setje grenser for kva molekylar kan brukast til, heiter det i grunngjevinga. Vidare heiter det at metates, som betyr å byte plass, er eit eksempel på kor viktig grunnleggjande vitskap er for mennesket, samfunnet og miljøet.
Forskinga til dei tre prisvinnarane har lagt grunnlaget for å finne medisinar som kan kurere sjukdomar som Alzheimer's, Down's syndrom hiv/aids og kreft, seier Kungliga Vetenskapsakademin.