Ein ryktestorm om at det er fleire sakna personar i samband med drapsgarden i Søndre Land, gjer at politiet i dag mellom anna har tømt møkkakjelleren på garden.
Det bekrefter politiinspektør i Vestoppland politidistrikt, Ketil Myhre.
Tek tipsa på alvor
- Vi må ta desse rykta og tipsa på alvor, og derfor har vi i dag gjort nye undersøkingar, seier Myhre. Politiet har fått fleire tips om fleire sakna personar som kan ha hatt samband med garden, og derfor har fleire politietterforskarar i dag leitt på garden.
Ein traktor har i dag tømt heile kjellaren, på jakt etter nye bevis i saken.
Myhre understrekar at dei foreløpig ikkje har gjort nye funn på staden.
