Ved Prøysenstova på Rudshøgda i Ringsaker kommune er no ein vekeslang festival i gang. Torsdag framførte prøysentolkarar eit utvalg av Alf Prøysen sitt forfattarskap.
– Festivalen er jo eit møtepunkt for veldig mange som er glad i Prøysen, seier festivalsjef Hogne Moe.
– Det er ein arena for Prøysenprisvinnar, for skodespel og teater, og dramatisering av Prøysen, legg han til.
Hør også radioreportasje fra festivalen:
Brukar Prøysen i undervisning
Stubbar ved stova var ein del av programmet, og utkledd med hatt og sekk framførte Tor Bergundhaugen tekstar av Prøysen.
– Snart i eit år har eg drive og lese Prøysen, og eg tykkjer at Prøysen har veldig mykje i seg, seier Bergundhagen.
Han er lærar og brukar Prøysen mykje i undervisninga.
– Det er mykje å ta av, det er mykje alvor, og det er mykje humor, seier læraren muntert.
Festivalen vert arrangert den 17. til og med den 23. juli 2013.
- Sjå saka her: