Torsdag startar dei fyrste tevlingane på landskappleiken 2003. Omlag 1.700 deltakarar skal tevle torsdag, fredag og laurdag. Kappleiken blir avslutta med ein stor meisterkonsert, søndag 29. juni.
Foto: Lasse Stang, Landskappleiken 2003.
Juniorane opnar kappleiken
Kappleiken blir opna av tevling i spel fele klasse c. Juniorklassa i fele er sterkt dominert av dei dugande spelemennene i Harpefoss spelmannslag.
Folkemusikkutøvarar frå Hedmark og Oppland stiller mannsterke opp på landskappleiken på Gjøvik.
I fele klasse a er ni av dei 13 deltakarane frå Gudbrandsdalen.
Mange lokale deltakarar
I lagspelklassa for vanleg fele er det så og seie berre gudbrandsdølar som stiller.
Også arrangørlaget Gjøvik spelmannslag stiller opp i fleire klasser, mellom anna langeleik solo og samspel, og klassa kalla andre eldre folkemusikkinstrument.
Plateslepp
Det blir lansert ein splitter ny cd på landskappleiken i år.
Den unge hardingfelespelemannen Jan Beitohaugen Granli frå Øystre Slidre vann hardingfeleklassa i fjor, og nå kjem plata.
På Cd´en ligg det óg ein musikkvideo laga av Pål Bratås.
Barn spelar for barn
Kappleiken byr ikkje berre på tevlingar. Fleire konsertar står på programmet. Mellom anna "Reisendekonsert" i Samfundssalen og kulturkveld i Fjellhallen.
I gågata blir det "barn spelar for barn"-arrangement fredag og laurdag.
I tillegg blir det sjølvsagt dans på fleire golv kvar kveld.