Pressekontakt for Dugnad for Haiti, Rannveig Lie, stadfestar i kveld at konserten der fleire kjende artistar deltek, er utselt. Mellom anna deltek Morten Harket, Ane Brun, Knutsen og Ludvigsen og Ingrid Olava på konserten.
- Det er kjempebra at interessa er så stor, det lovar veldig bra, seier Rannveig Lie til NRK.
- LES ÒG:
- LES ÒG:
- LES ÒG:
Totalt har arrangørane fått selt i underkant av 1400 billettar, til mellom 400 og 1000 kr stykk. Konserten i Operaen søndag 24. januar markerer startskotet for fleire kulturarrangement rundt om i landet, til inntekt for jordskjelvorfa i Haiti.
Målet er å få inn minst 2,5 millionar kroner på konserten.
Rannveig Lie håper at dei som ikkje fekk sikra seg ein billett til konserten i Operaen følgjer konserten på tv, og donerer pengar til aksjonen ved hjelp av den informasjonen ein får der. NRK sender konserten direkte på søndag klokka 21.15.
- LES ÒG:
Konserten vart til på initiativ frå filmregissør Alexander Eik, og er eit samarbeid mellom GramArt, Røde Kors og Kirkens Nødhjelp.