I statsråd i dag vert Anne Aasheim utnemnt til ny direktør for . Ho har også vore distrikts- og nyhenderedaktør i NRK.
- LES ÒG:
– Kulturrådet står overfor store organisatoriske utfordringar, og eg ynskjer å tilretteleggje for dei dyktige fagfolka på best mogleg måte. Endringane statsråden varsla i budsjettet gav dei svara eg trengde for å seie ja til jobben, seier Anne Aasheim.
Ikkje på søkjarlista
Aasheim tek over jobben etter Guri Skjeldal, som til har vore fungerande direktør i Kulturrådet sidan Ole Jacob Bull slutta 31. juli. Direktør-stillinga er eit åremål på seks år, som kan fornyast éin gong.
Søkjarlista som vart offentleggjort i juli i år, viste at 10 personar hadde søkt stillinga som ny direktør i Kulturrådet. Anne Aasheim stod ikkje på
Tidlegare har mellom andre Høgres kulturpolitiske talsmann Olemic Thommesen kritisert tilsetjingsprosessen for å vere for hastig. Stillinga vart lyst ut med berre to veker søknadsfrist, noko Kulturdepartementet har uttalt er heilt vanleg ved ei slik utlysning.
Ansvar for store tildelingar
Kvart år mottek musikk, biletkunst og andre kunstformer hundrevis av millionar kroner i statleg stønad gjennom Norsk kulturråd. Frå 2011 får kulturrådet også ansvar for oppgåver innan museum og arkiv, som vert overført frå ABM-utvikling.
Anne Aasheim tek dermed over i ein periode der kulturrådet er inne i ein stor endringsprosess. Direktøren er sjef for kulturrådets administrasjon, og skal ikkje fatte politiske vedtak.
– Anne Aasheim er den beste vi kunne fått i denne jobben. Ho har brei røynsle med å jobbe i store organisasjonar og med å leie omfattande omorganiseringar. Ikkje minst har ho solid innsikt i norsk kulturliv, sa Anniken Huitfeldt.
- LES ÒG:
- LES ÒG:
