Av
Egil Torheim og
Eli Bjelland
Bestill gratis matbrev
Meir Godt for ganen
Sjølv om pinnekjøtet vinn fram som julemiddag dei fleste stader, er det framleis nokre som sver til persetorsk på julaftan.
Og dei fleste bergensarar med respekt for seg sjølve et persetorsk ein gong i jula.
Slik lagar du persetorsk:
Rekn med omlag 200 gram fisk per person.
Ta ein skinnfri torskefilet, del han i 2 like delar og strø salt og sukker over.
Blandingsforholdet er 70 prosent salt og 30 prosent sukker. Dette kan du godt blanda saman i ein kopp eller liknande.
 |
| Kokk Fredrik Hald med serveringsklar persetorsk. (Foto: Egil Torheim/NRK) |
Strø over på båe sider og legg dei to fiskestykka mot kvarandre og legg på press. Lat dette liggja i eitt og eitt halvt til to døgn i kjøleskåp.
Til persetorsk serverer ein smørsaus eller eggesmør om du vil.
Til 4 personar koker du opp 2 ss kremfløyte.
Dette rører du inn i 180 - 200 gram usalta meierismør. Pass på å røra heile tida.
Ha i finhakka hardkokt egg og finhakka graslauk eller persille. Ha dessutan nokre finstrimla grønsaker som du varmebehandlar litt til.
Trekk persetorsken i vatn i 8-10 minutt, og server med gode kokte poteter. Mandelpoteter passar utmerka.
Lukke til!
Tips andre om denne saken
Utskriftsvennlig versjon
