Av
Egil Torheim og
Eli Bjelland
Meir godt for ganen
Pass på at du brukar beinfri fisk. Slik får du også ungane til å eta fisk når du serverer han som grateng.
Slik gjer du:
Lag ein kvit saus på vanleg måte ved å smelta smør, ha i mjøl og mjølk, og smak til med salt og pepar.
I gratengsausen, som er base for gratengen, har du også i litt ferdigkokt makaroni, litt purrelauk og ei kvart teskei med muskat. Rekn med 1 dl. saus per porsjon.
Så har du i fisken. Resulatet blir best om du brukar lettsalta brosme eller lettsalta torsk. Rekn med 100 gram fisk per porsjon.
Ha óg i 2 eggeplommer og rør rundt.
Så vispar du opp eggekvita til ho blir stiv, og blandar ho forsiktig saman med resten.
Ha i form, strø over med griljermjøl, strøkavring eller kveitekli og steik i 35-40 minutt på 170 grader.
Lukke til!
Tips andre om denne saken
Utskriftsvennlig versjon
