Av
Egil Torheim og
Eli Bjelland
Her er dei sukkerfrie peparkakene som smakar nydeleg. Oppskrifta blei til fordi nokon måtte laga julekaker til glutenallergikarar.
Samstundes stilte nokon spørsmålet om sukkeret kunne erstattast.
Javisst; søtstoffa i enkelte frukttypar gjer nett same nytta, og med ein liten vri dukka altså desse supergode peparkakene opp.
Slik gjer du
Me skal ha 5 dl. glutenfritt mjøl.
Det er samansett slik:
2 dl. havremjøl
1 dl. brunrismjøl
1 dl. amarantmjøl
1 dl. maisenamjøl
1 dl. jyttemjøl.
Ha i dei vanlege peparkakekryddera:
3 ts. pepar
2 ts. kanel
1/2 ts. muskat
1 1/2 ts. nellik
1 ts. ingefær
1 1/2 ts. bakepulver
1 ts. natron for hevinga
Alt dette blir blanda i ei bolle.
I ei anna bolle blandar du 2 dl. reinska dadler, 1 dl. rapsolje og 1 dl. eplejuice.
Dette køyrer du med ein stavmiksar.
Rør eller elt daddelblandinga inn i mjølet.
Bak ut deigen med glutenfritt mjøl.
Ver lett på handa med kjevla, og bruk ein steikekniv når du løftar dei ferdigforma peparkakene til steikebrettet.
Steik kakene i omlag 10 minutt på 200 grader.
Tips andre om denne saken
Utskriftsvennlig versjon
