– Eg har veldig lysst til å vere til inspirasjon for andre, og kanskje fleire får lysst å kome seg ut i den fine naturen vi har her når dei les bloggen min, fortel Jonstad då reporter i NRK, Tone Lin Støfring, var med ho ut på tur.
- LES OGSÅ:
- LES OGSÅ:
Denne dagen gjekk turen til Kletten (80 moh), og med på turen var dottera, Sanna Oliva, på fire år.
Tar med borna
– Eg og mannen min ønskjer jo gjerne at ungane skal få auga opp for den fantastiske naturen vi har her i fylket i tidleg alder. Det at vi tek dei med på tur i så ung alder vil kanskje gjere at dei held interessa for fjellturar når dei blir eldre, seier Jonstad.
Det er kanskje ikkje alle som tykkjer det er like enkelt å motivere borna til å vere med ut på tur, men Jonstad har fleire råd for å få ungane med.
– Vi prøvar å gjere mykje av turane til leik. Her på Kletten er det klatretau, disser, og stokkar som ungane kan balansere på. Så har eg alltid med noko godt i sekken. Når eg spurde kva Sanna Oliva likte best med å gå i fjellet, svara ho at det var å få sjokolade, seier Jonstad lattermildt.
(Artikkelen held fram under biletet)
Bloggar for å inspirere
Bloggen oppretta ho først for sin eigen del. Etter kvart merka Bell at det var mange som var interessert og kommenterte under innlegga på bloggen, og då byrja ho å oppdatere litt oftare, og no håpar ho at bloggen kan inspirere andre i fylket til å kome seg oftare på tur.
– Eg og mannen min er jo veldig glade i å gå i fjellet sjølve, og når eg byrja å blogge merka eg at det var mange som ville ha inspirasjon til nye plassar å gå, fortel Jonstad.
I bloggen skriv ho om både små og store turar, primært i Sunnfjord, men også andre stader. Mange turane eignar for små born.
– Vi går veldig varierte tura, når vi har med borna må vi jo gå litt lettare tura. Vi går jo mest i Sunnfjord, men når vi er ute å køyrer så ser vi gjerne ein fjelltopp og tenkjer at der må vi gå ein gong. Då skriv vi den opp på lista for for turar vi ønskjer å gå, fortel Jonstad.
Her kan du lese om turen til Kletten, og andre turar i fylket på bloggen til Liv Janne.